<$BlogRSDUrl$>

2004-01-24

nuq 'oS <bo logh>?


DIvI' Hol mu' blog rurba', 'a rurwI' neH 'oHbe'bej.

chIS bo, mach, puj, 'ej tuj. ghItlhwI'mey QongDaqmey je chenlu'moHmeH bo lo'lu'. boDeghmey puvmoH boDu'. vaj qonwI', najwI', 'orwI' je 'oS bo.

qIj logh, tIn, jub 'ej bIr. loghDaq Hujbogh Dochmey law' DIyajchu'be'bogh tu'lu'. loghDaq leng tlhInganpu'. pa' Dachmo' muD puvlaHbe' muD Duj. vaj Hoq qa', tlhIngan qa' je 'oS logh.

jIHvaD qech 'u' 'oS bo logh.

# 13:27 lab Qov

2004-01-23

jabbI'ID wa'DIch 

DaHjaj Google tlhIngan Hol nejwI' lulo'bogh nuv vItogh vIneH. toghmeH mIw vISambe', 'ach Dajbogh De'wI' QonoSmey Sar vItu'. roD tlhIngan Hol jatlhwI' vaqmeH nuqel qonwI'pu'. muSujbe'. DoS Huv maH 'ej nuyajlaHbe' tlhIngan Hol jatlhbe'bogh nuvpu'. <Volume 22>Daq jatlh Scott <<povvam tlhIngan Hol lo'bogh w-wej Qonos vInej. jIluj>>. 'a tlhIngan Hol QonoS nejchugh tlhIngan Hol jatlhlaHbe'wI', chay' SamlaH? DIvI' Hol mu'mey DIlo'be' tlhIngan Hol w-wej QonoSnganpu'.

vIt'a' 'oH qechvam'e'. Doch Samlu'meH, Dochvetlh ngu'nISlaH.

# 23:50 lab Qov