<$BlogRSDUrl$>

2004-04-10

jawbogh qoq 

DaHjaj QonoS vIqonlaH 'a majawtaHmo' qoqvam jIH je pagh vIqon. 'ov Elbot latlh qoqmey je -- tlhoS «qoqpu'» vIghItlh 'ej wIvvetlhmo' DIch vIghajbe'. Qap Elbot. ghaytan Eliza, jawbogh qoq ngo', Daqaw. ElizavaD jIjatlh 'e' vItIv je 'a ElizavaD jIjatlhtaHvIS muvuQ vuDmeywIj'e'. ElbotvaD jIjatlhtaHvIS vuDmey ghaj qoq 'e' vIHarlaH.

2004-04-09

Ha'DIbaH nov 

козелкенгрузебраpIj tera' Ha'DIbaH wIDelmeH tlhIngan mu' wIlo' 'e' wInID. 'a chay' tlhIngan HolvaD bison vImugh? nuq 'oH weasel'e'? chay' pIm Qa' 'er je? rurchuqbe'chugh Ha'DIbaH nov, Ha'DIbaHmaj je Qatlh DelmeH Qu'.

tera' gorilla vIDelmeH qen «Ha'DIbaH tIn» jIjatlh. pujqu'. Qu'wIjvaD potlhbe' Ha'DIbaH mut 'a pongmeH «mughato' qIj» jatlh latlh. qaq pongDaj 'a Ha'DIbaH ngu'bejbe'taH. SuQ pachmey 'e' ghuHmoHbe'. pImbejchugh tera' Ha'DIbaH chay' wIpong?

roSI'ya' Hol nagh beQ DaqDaq (yIghuH - pIj Qut) retlh Ha'DIbaH vItu'. HaghmoH Ha'DIbaH 'a nuq 'oH? SIbI' pongDaj qelchoH leghwI'pu' vuDmey:

avstralijskogo minotavra

Окозлевшая Кингурзебра

новый вид гаишника

зебристый козлик

кенгрузебракозел или козелкенгрузебра

Зайчик из чернобыля

Hujchu' Ha'DIbaHqoqvam 'a Ha'DIbaH Sovbogh qel DelwI'pu'. nuq Dapong SoH? Supbogh tangqa' 'oH'a'? chay' be striped vIDellaH? 'ej chay' nuHDu'Heyvetlh lo'laH Ha'DIbaHvetlh?

2004-04-08

jagh pIHbe'lu'bogh yIpIH 

tlhIHvaD jInmol Daj vI'ang vIneH. De'wI' jIH much chenmoHlI' ter'eS. <Qo'noS tamey> ponglu'. <Hov leng>vaD tlhIngan vuD, tlhIngan Qu' je muchmeH Lego lo'. DaH lIHmeH much 'ay' DabejlaH.

much ghom chenmoH 'e' Hech. 'a DaH much wa'DIchvaD vum. Dujmey chenmoHmeH Lego lo'ba' 'ej beqvaD Lego minifigmey lo'. wej nuvpu'qoqvetlh vIleghpu' 'a wa' vIQoypu'. chay'? DeghwI' ghogh 'oH ghoghwIj'e'. qep'a'Daq ghoghwIj Qoy ter'eS 'ej parHa'mo' jInmolDajvaD muwIv. muquvmoH. naDev latlh mu' laDlaHbogh nuv'e' lutu'lu'be'mo' nIteb mu'meywIj vIjatlhnISba' 'ej loQ Qatlh Qu'. mu'meywIj vIqon 'a jIyonqu'be'. vebwI'vaD jIDub vIneH.

minifig vIHmoHmeH ter'eS loQ vIHnISmoH 'ej vIHnISqa'moH 'ej vIHnISqa'moH. QIt tlhetlhba' jInmol. wej waQ rIn 'e' noH ter'eS. rInDI' naDev vImaqbej.

ter'eS pong Daghovbe'chugh vaj chaq KLIFLASH ghunbogh ghaH Daghov. pov mu'tay' ghojmeH patvetlh 'ej jIHvaD lISpu' ter'eS. po'ba' ter'eS 'ej Dugh. QaQ jIH muchDaj 'e' vIpIHbej.

2004-04-07

   

      ▲    ▲      ▲   «»              ▲        ▲     ▼      

          ▲  «,,,.,,?»  ▲  

Grammar God!
         ▲   ▲         ▲     Grammar God ▼ ▼   ▲     ▲  ▼   ▲     «"''?",»  ▲  ▼ ▼ ▲      ▲   ▲  

   ▲ ()    ▲  --    ▲      ▲   ▲        ▲    «▲»  ▼  «▼»  ▲    «»  ▲     ▲    

2004-04-06

DIvI' HolvaD jIfussyqu'be' 

qen marupruplu'meH maja'chuq loDnalwI', jIH, Huch vu'wI'ma' je. malja' wIHuqmeH qechmey DIqel. qechwIj vIDelDI' jatlh vu'wI' «I'm not so fussy about that.» mu'meyvetlh'e' vImughchugh «qechvetlh vISaHqu'be'» jIjatlh. 'a maja'chuqtaHvIS qechvetlhmo' beplaw' ghaH. vIDelqa' 'ej tlhoch'eghlaw'taHmo' jImISchoH. tagha' jIjatlh bIjatlhDI' «I'm not so fussy about that» jIyajbe'. yIQIj. mu'tlhegh vIyajbe' 'e' yajbe'taH, 'a ja'qa'taHvIS «vIpar» 'oS 'e' vItlhoj. vaj «parHa'» 'oSlaw' «fussy about». Huj. yoy. «I could care less» rur.

mumISmoH DIvI' Hol. Huj «boch ghIchraj» 'e' bepchugh vay' vaj «I'm fussy about that» jIjatlh.

2004-04-05

be-bop bom  

DaHjaj be taghbogh mu'mey vIquvmoHmeH qaS Hoghvam lut QIpqu'.

loS ben <Hov leng> bejlI' be'Hom. tIvqu' 'ach bebDaq nguntaHmo' notqa'mey, jabbI'ID qaghlu'taH. Doqlaw' tlhIngan qabDu': beqpuj rur. be'Hom belHa'moHmo' be'nI'DajvaD jatlh «qatlh bebDaq bo'Degh begh wIghajbe'?»

jang be'nI' «wej jompu'mo' vavma'»

«qar» jatlh be'nI'pu' SoS «buDmo' loDnalwI' begh jombe'lu'. jIbelbe'.»

pawDI' vav, berghmo' be'pu', lubagh. be'joy' tagh be'nal be'nI'pu' je. nuH bey'vo' betleH beH je lel SoS 'ej loD bemDaq betleH DuQchoH. marwI'Daj beQmeH beH ret'aq lo' puqbe'. bechmo' loD bepbej, 'ach be'pu' belmoH bepDaj. bom loD 'e' lura'. «Qoy qeylIS puqloD» bomchoH. bomtaHvIS pe'vIl bey. bertlham jatlhpu'DI' vulchoH.

ghIq bo'Degh begh lujom be'pu'.

DaH be-mu'mey DISov

2004-04-04

qatlh tlhIngan Hol vIHaD? 

wa'maH vaghHu' Yens Wahlgren vIjangchoH 'a wa' potlhwI' vInop: ghel Yens qatlh tlhIngan Hol DaHaD?. DaHjaj vIjang.

paqmey puSDaq Hol naQ tu'lu'mo' vIghojlaHchu'. jIlengnISbe'. mach mu'tay'. toch De'wI'Daq Hoch vI'uchlaH. puq jIHtaHvIS vIghojbe' 'a po'wI' jIHlaH.

Doghmo' vItIv. tIghmey ngeb ghaj 'ej jatlhqu'meH tIghvetlhvaD jIjeSnIS.
'a nISbe' tIghna'. HolwIjmo' jIghoq, jIHIv, jInIH ghap pIHbe' vay'.
QaH'egh Hoch.

Daj mu'tay', wabmey, pab je. 'a Qatlhqu'be'.

Indo-Europengan Holmey qellu'DI', pImqu' tlhIngan Hol. jIHvaD pImqu'wI' wa'DIch 'oH tlhIngan Hol'e'.

Dajbej tlhIngan Hol jatlhbogh nuvpu'. val 'ej ngIlqang 'ej Hoch lughoj luneH. Qo'noS wIghoSlaHbe'mo' valnIS ghojwI'. Hujmo' Hol, Hujqang ghojwI'. DalwI'pu' botmo' Hol, ratlh DajwI'pu' neH.

machmo' mu'tay', qechmey QIjmeH reH jIQujnIS. mu'meyvam puS Dalo'taHvIS chay' DaQIj? Qujvam vIparHa'qu'. wa'logh roSI'ya'Daq jiHtaHvIS, roSI'ya' Hol mu' 'ISjaH vISovbe'mo', jIjatlh jarmey muchbogh paq. SIbI' yaj Suy 'ej jatlh календер. muQuchmoH Qapla'wIj. tlhIngan HolvaD mIwvetlh vIlo'nIStaH. latlh Hol DajatlhmeH, DIpmey, wotmey, chutmey je DaqawnIStaH. tlhIngan Hol DajatlhmeH DaSImnIS, vay' DaQIj DaneHbogh DayajnISchu', ghIj yajchu'ghachvetlh DamuchnIS.

mutlhabmoH tlhIngan Hol. lut vIqontaHvIS mu'mey vISamDI' vIlo'. DIvI' Hol vIlo'chugh, mu'mey law' tu'lu'mo' vIwIvlaHbe'. Qu' vInapHa'moH. not rIn. tlhIngan Hol vIlo'chugh jInoH'eghbe' 'ej munoH pagh Sung.

qaStaHvIS wa'maH jav DIS jIjeS. DaH jInmolmey jIta'lI'mo''
jIbupchugh, jIquvHa''egh.

vaj vIHaDtaH.