2004-03-13
chay' wIleghlu'?
wa'Hu' jIvpu'bogh nuv val vuD vImuch. jatlhlaHchu'mo' nuvvetlh 'ej jatlhqangchu'mo', DaH vuDmey Sar vIpojlaH 'e' boQ.
SC ghItlhHom vIlaDpa', Qatlh tlhIngan Hol ghojmeH Qu' 'e' tlhoj valwI' 'e' vIHar. 'a valnIS tlhIngan Hol jatlhwI' 'e' qelbe'chugh ghaH'e', vaj jIHarHa'ba'. bo logh vIcherDI' vuDmey vIvI'choH. DaHjaj 'op vImuch.
QIp tlhIngan Hol jatlhwI'pu' 'e' Harlaw' nuv law'. jIHvaD Hujqu' qechvam 'ach SaHbej. not Hol HaDpu'chugh nuv, chaq ngeD Holmey 'e' Har. Holmey ghojlaH puq, vaj ngeD'a'? pagh ngebmo' tlhIngan Hol ngeDnIS'a'? rut tlhIngan Hol vIjatlh 'e' vISovchoHDI' vay', tlhob: chay' Dajatlh? SaH jatlhmeH pegh 'e' Harlaw' 'ej vI'angDI' SIbI' jatlhchoHlaHchu' ghaH. vaj chaHvaD targh latin jatlhwI' rur tlhIngan Hol jatlhwI'. targh latin buSchugh vay' loQ vInuS je. yab vaDmoH 'e' vIpIH 'a bommey Dun lIngbe'. ram pab 'e' Harchugh vay' vaj Dogh Hol ngeb 'e' Har 'e' vIlaj. 'ej ram pab 'e' luHarlaw' nuv puS. wa' vImuch:vaD tlhIngan Hol lujatlhDI' much DawI'pu', pabHa'mo', bepmo' tlhIngan Hol jatlhwI'pu' yay'law' Defunc7. cha' DoSmey DIQIpbej. wo'mey pImDaq DoSmeymaj tu'lu'.
nuvvaD Dajchugh tlhIngan Hol, Dajbe' latlh Dochmey 'e' Harlaw' Mark Jerry je. tlhIngan Hol wIjatlhchu' 'e' wIghoj 'ach maHvaD Dajbe' QeD 'e' lupum.
maQIpbej 'e' luHarbe'law' HochHom. vuD Qat Del 8bm, jatlhDI' val <Hov leng> tIvwI'pu' 'a ngeb Holchaj 'e' luSovbe'.
maval 'e' tlhoj holohan. bong tlhIngan Hol ngu'DI' ghaH, tlhIngan Hol jatlhwI' Ho' tejpu' 'e' tlhoj. valqu' Hap tejpu' 'a chaH nuS je nugh.
nger mach vIghaj. Qatlh Qu'maj 'e' tlhoj nuv law'. 'ach Qatlhbogh Qu' lI'Ha'chu' wInIDtaHmo' nuqelvIp. Qu' Qatlh luta'laHbe'mo', pagh Qu' Qatlh lunIDpa' pop lubajnISlaHmo', mamaw' 'e' luHar. <Qu'vam Qatlh Data'meH yIn Daghajbe'ba'> jatlh. Qu'maj yajbe'mo' nuv, nuqeHchoH. mIpqu'mo' nuv, Huch lo'Ha'laHchugh, nuvvetlh qeHlu'. Huch law' ghajmo' Huch natlh ramwI' 'e' chaw'DI' vay', qeHlu'bej. yabDu' mIp natlhlaw'mo' tlhIngan Hol wIqeHlu'.
mataQ net Harba'. taQwI' 'oSmeH qonwI', tlhIngan Hol jatlhwI' lo'laHbej. SIbI' qech ghov laDwI'. jatlh nuvvam <Hov leng> vIbej 'ach tlhIngan Hol vIjatlhbe'mo' jIQIpbe'. qech ghov 'ej jun 'e' nID. Ha'DIbaH Sut DIghaj 'ej bangpu'ma' DItam 'e' tu' satan. mataQmo' nughvaD majeSlaHbe' 'ej autism rop rur Dotlhmaj 'e' Har S.L. Hartwell.
nuHoH 'e' luneH nuv puS. teSvo' qIch lIngwI'Du'maj teqnISlu', ghIq romajDaq naQjej chuHnISlu' 'e' wuq Josh. maHvaD Hegh bIghHa' raQmey lucherlu' 'e' chup Wong Fei-Hung. mavalmo' 'ej Qu' Qatlh wItIvmo' numuH 'e' luneH jay'.
maram 'e' vImaS: tlhIngan Hol QonoS Dumuch 'e' Dajon DaneH 'e' pIH The Raven, 'a potlhqu'mo' latlh QonoS, tlhIngan Hol QonoS rur Anne Frank QonoS 'e' qID Allen Voivod. ramchu' tlhIngan Hol QonoS jatlhba'.
SC ghItlhHom vIlaDpa', Qatlh tlhIngan Hol ghojmeH Qu' 'e' tlhoj valwI' 'e' vIHar. 'a valnIS tlhIngan Hol jatlhwI' 'e' qelbe'chugh ghaH'e', vaj jIHarHa'ba'. bo logh vIcherDI' vuDmey vIvI'choH. DaHjaj 'op vImuch.
QIp tlhIngan Hol jatlhwI'pu' 'e' Harlaw' nuv law'. jIHvaD Hujqu' qechvam 'ach SaHbej. not Hol HaDpu'chugh nuv, chaq ngeD Holmey 'e' Har. Holmey ghojlaH puq, vaj ngeD'a'? pagh ngebmo' tlhIngan Hol ngeDnIS'a'? rut tlhIngan Hol vIjatlh 'e' vISovchoHDI' vay', tlhob: chay' Dajatlh? SaH jatlhmeH pegh 'e' Harlaw' 'ej vI'angDI' SIbI' jatlhchoHlaHchu' ghaH. vaj chaHvaD targh latin jatlhwI' rur tlhIngan Hol jatlhwI'. targh latin buSchugh vay' loQ vInuS je. yab vaDmoH 'e' vIpIH 'a bommey Dun lIngbe'. ram pab 'e' Harchugh vay' vaj Dogh Hol ngeb 'e' Har 'e' vIlaj. 'ej ram pab 'e' luHarlaw' nuv puS. wa' vImuch:
nuvvaD Dajchugh tlhIngan Hol, Dajbe' latlh Dochmey 'e' Harlaw' Mark Jerry je. tlhIngan Hol wIjatlhchu' 'e' wIghoj 'ach maHvaD Dajbe' QeD 'e' lupum.
maQIpbej 'e' luHarbe'law' HochHom. vuD Qat Del 8bm, jatlhDI' val <Hov leng> tIvwI'pu' 'a ngeb Holchaj 'e' luSovbe'.
maval 'e' tlhoj holohan. bong tlhIngan Hol ngu'DI' ghaH, tlhIngan Hol jatlhwI' Ho' tejpu' 'e' tlhoj. valqu' Hap tejpu' 'a chaH nuS je nugh.
nger mach vIghaj. Qatlh Qu'maj 'e' tlhoj nuv law'. 'ach Qatlhbogh Qu' lI'Ha'chu' wInIDtaHmo' nuqelvIp. Qu' Qatlh luta'laHbe'mo', pagh Qu' Qatlh lunIDpa' pop lubajnISlaHmo', mamaw' 'e' luHar. <Qu'vam Qatlh Data'meH yIn Daghajbe'ba'> jatlh. Qu'maj yajbe'mo' nuv, nuqeHchoH. mIpqu'mo' nuv, Huch lo'Ha'laHchugh, nuvvetlh qeHlu'. Huch law' ghajmo' Huch natlh ramwI' 'e' chaw'DI' vay', qeHlu'bej. yabDu' mIp natlhlaw'mo' tlhIngan Hol wIqeHlu'.
mataQ net Harba'. taQwI' 'oSmeH qonwI', tlhIngan Hol jatlhwI' lo'laHbej. SIbI' qech ghov laDwI'. jatlh nuvvam <Hov leng> vIbej 'ach tlhIngan Hol vIjatlhbe'mo' jIQIpbe'. qech ghov 'ej jun 'e' nID. Ha'DIbaH Sut DIghaj 'ej bangpu'ma' DItam 'e' tu' satan. mataQmo' nughvaD majeSlaHbe' 'ej autism rop rur Dotlhmaj 'e' Har S.L. Hartwell.
nuHoH 'e' luneH nuv puS. teSvo' qIch lIngwI'Du'maj teqnISlu', ghIq romajDaq naQjej chuHnISlu' 'e' wuq Josh. maHvaD Hegh bIghHa' raQmey lucherlu' 'e' chup Wong Fei-Hung. mavalmo' 'ej Qu' Qatlh wItIvmo' numuH 'e' luneH jay'.
maram 'e' vImaS: tlhIngan Hol QonoS Dumuch 'e' Dajon DaneH 'e' pIH The Raven, 'a potlhqu'mo' latlh QonoS, tlhIngan Hol QonoS rur Anne Frank QonoS 'e' qID Allen Voivod. ramchu' tlhIngan Hol QonoS jatlhba'.
2004-03-12
HoSghaj Hol: vuDmey choHlaH
QIp tlhIngan Hol, tlhIngan Hol jatlhwI'pu' je 'e' luHar nuvpu' law'. naDev tugh vuDmey Sar vIpoj 'a DaHjaj wa' nuv vuDmey vImuch. motlhHa' nuvvam: vuDDaj choHqang 'ej choH 'e' chIDqang.
cha' nem Semantic Compositions (SC) QonoS vIlaD, 'ej tlhIngan Hol Google vIlo' 'e' tu' SC. Holmey'e' 'oghta'bogh vay' vuvbe' SC 'ej vuDmeyDaj much. SIbI' jang Rachel 'ej 'Ijqu' SC. Rachel QonoSDaq SC vuD choHta' Rachel jatlh.
tlhIngan Hol nuSta' SC 'e' vItlhojDI', jIghov'egh vaj jIjang. jabbI'IDwIj laD SC 'ej QonoSHomvam qon. mumer 'ej muQuchmoH.
wanI'vam vIqelchu' 'e' vIHech, 'a DaHjaj ngoDmey neH vImuch.
cha' nem Semantic Compositions (SC) QonoS vIlaD, 'ej tlhIngan Hol Google vIlo' 'e' tu' SC. Holmey'e' 'oghta'bogh vay' vuvbe' SC 'ej vuDmeyDaj much. SIbI' jang Rachel 'ej 'Ijqu' SC. Rachel QonoSDaq SC vuD choHta' Rachel jatlh.
tlhIngan Hol nuSta' SC 'e' vItlhojDI', jIghov'egh vaj jIjang. jabbI'IDwIj laD SC 'ej QonoSHomvam qon. mumer 'ej muQuchmoH.
wanI'vam vIqelchu' 'e' vIHech, 'a DaHjaj ngoDmey neH vImuch.
2004-03-11
wo'lIj yIngu'
jIHvaD wo''e' wIvbogh qaDHomvam vIleghDI' jIHagh. 'ej loQ bo logh qech vIrurmoHlaHmo' vImuch. mu'tlheghmey ghItlhbogh chaH vImughta' 'ej wa' mu'tlhegh vIchel. mu'mey vImughta'bogh Dalegh DaneHchugh vaj joqwI'Daq yImouse.
wo'mey tay' jIH!
bIchavchu'be' 'e' luHar HochHom nuvpu' 'a Qaw''eghbe'meH qo' DavanglI' 'e' DanIDchu'mo' reH He nI' DaghoSnIS. poHlIj lunatlh Hol 'Iq Dajatlhbogh. ja'chuqchoHmeH juppu' qoj ja'chuqchoHmeH jaghpu' DanIDtaH. roDaq nachDaq mupchuqtaH 'e' mevqangDI' vay' ja'chuqchoH 'e' DanID. rut Qapmo' 'ej rut Qapbe'mo' bImaw'qu'choH. 'a Daq qarDaq (rut New YorkDaq je) tIqlIj tu'lu'.
puq jIHtaHvIS wo'mey tay'vaD mughwI' vImoj vIneH. 'a SaHmo' cha' Hol ghojpu'bogh puqpu''e' jI'ovlaHbe' 'e' vIHar. mughwI' laH vIHo'taH.
2004-03-10
HolQeD tej patlhmey
nIchyon vIlIH. Hol tej ghaH 'ej valbej. tlhIngan Hol jatlhchu'. 'aStalya' Dabmo' qep'a' ghoSbe' 'ach wa'logh VancouverDaq ghaHtaHvIS vIqIH. Qe'Daq megh wISop. megh vIqawbe' 'a Qe'vetlhDaq pIpyuS jablu'mo' pIpyuS wIghor jIH nIchyon je 'e' vIqaw vIneH.
Hol tejpu' maSbogh nIchyon poj 'ej wa'maH Hol tej nIv tetlh much. Hol tejpu' ngermeyDaj joq Delbogh nIchyon vISovbe' 'e' vIchID 'a wa' pong vIghovbej. tlhIngan Hol 'oghmo' marq 'oqranD quv nIchyon 'a nIchyon nuQmo' 'oqranD, yIyep 'e' ghuHmoH.
nIchyon nger 'olQo' 'oqranD. chup'egh cha' meqmey DuH.
wa': reH 'oqranD yu'DI' vay' mon 'ej tlhoS pagh 'ang. pIj qechDaj laj 'oqranD 'e' Har 'IjwI' 'a tlheDDI', pagh 'ol pay' 'e' tlhoj. tlhoch'egh neHbe'mo' tamtaH 'oqranD. chaq nIchyonvaD Qapbe' 'oqranD to'.
cha': chaq lugh nIchyon 'e' tlhojDI' 'oqranD qech tIvbe'. Hol nov'e' 'ogh neH. bong Hol buvlaHbogh tera'ngan Hol tej 'oghpu'chugh, QoS. vaj pojqa'laHpa' chID neHbe'.
HolQeD Qelqoq mojmeH nIchyon (nIchyon vItIch 'e' vIHechbe'; qarbe'mo' DIvI' Hol mu' vImughpu'bogh -qoq vIlo') ghItlhvam qon. Do'Ha' De'wI'wIjDaq vIlaDlaHbe'. vIlaDchoHDI' notlh qo'rI'ya'ngan Hol 'aghmegh pat 'e' bep De'wI'. qo'rI'ya'ngan Hol pIqaD vIjom 'e' vInID 'a ghItlhvetlh vIlaDlaHbe'taH. DalaDpu'chugh jIHvaD yIDel.
Hol tejpu' maSbogh nIchyon poj 'ej wa'maH Hol tej nIv tetlh much. Hol tejpu' ngermeyDaj joq Delbogh nIchyon vISovbe' 'e' vIchID 'a wa' pong vIghovbej. tlhIngan Hol 'oghmo' marq 'oqranD quv nIchyon 'a nIchyon nuQmo' 'oqranD, yIyep 'e' ghuHmoH.
nIchyon nger 'olQo' 'oqranD. chup'egh cha' meqmey DuH.
wa': reH 'oqranD yu'DI' vay' mon 'ej tlhoS pagh 'ang. pIj qechDaj laj 'oqranD 'e' Har 'IjwI' 'a tlheDDI', pagh 'ol pay' 'e' tlhoj. tlhoch'egh neHbe'mo' tamtaH 'oqranD. chaq nIchyonvaD Qapbe' 'oqranD to'.
cha': chaq lugh nIchyon 'e' tlhojDI' 'oqranD qech tIvbe'. Hol nov'e' 'ogh neH. bong Hol buvlaHbogh tera'ngan Hol tej 'oghpu'chugh, QoS. vaj pojqa'laHpa' chID neHbe'.
HolQeD Qelqoq mojmeH nIchyon (nIchyon vItIch 'e' vIHechbe'; qarbe'mo' DIvI' Hol mu' vImughpu'bogh -qoq vIlo') ghItlhvam qon. Do'Ha' De'wI'wIjDaq vIlaDlaHbe'. vIlaDchoHDI' notlh qo'rI'ya'ngan Hol 'aghmegh pat 'e' bep De'wI'. qo'rI'ya'ngan Hol pIqaD vIjom 'e' vInID 'a ghItlhvetlh vIlaDlaHbe'taH. DalaDpu'chugh jIHvaD yIDel.
2004-03-09
Holmaj SeHbej'a' Paramount/Viacom?
qen tlhIngan Hol qelmo' BoingBoing qech qel je Language Log. Hol'e' luqelbe' 'a copyright ghaj Paramount 'e' Harmo' Paramount luqel. DuH'a'? ghaytan chutmeymo' copyrightlaHbe'bej vay' 'ach qaStaHvIS wa' ram loS SaD chutmey buSHa'laH vaghvatlh lawyerpu'!
qechvetlhmo' jIpuQ. Dap 'oH. Holmaj copyrightlaHchugh vay', qaS nuq? bo logh tuchchoHlu''a'? juHwIjDaq jIjatlh net tuch'a'? jIQub net tuch'a'? Dogh qech. tlhIngan Hol luqelqang latlhpu' 'e' vI'angmeH naDev vIqel neH.
Holmaj qelchoHDI' nuvaqbe'taHbogh nuvpu' qub wanI'. Holna' 'oH 'e' luSovlaw'mo' Hol tejpu'vetlh muQuchmoH.
[mu' qaq vItammeH vIchoHta'.]
qechvetlhmo' jIpuQ. Dap 'oH. Holmaj copyrightlaHchugh vay', qaS nuq? bo logh tuchchoHlu''a'? juHwIjDaq jIjatlh net tuch'a'? jIQub net tuch'a'? Dogh qech. tlhIngan Hol luqelqang latlhpu' 'e' vI'angmeH naDev vIqel neH.
Holmaj qelchoHDI' nuvaqbe'taHbogh nuvpu' qub wanI'. Holna' 'oH 'e' luSovlaw'mo' Hol tejpu'vetlh muQuchmoH.
[mu' qaq vItammeH vIchoHta'.]
Traduttore, Traditore
lut vImughtaHvIS jIwIvnIStaH. rut cha' HolmeyvaD quq wa' qech 'ej DamughmeH mu'mey DalannIS neH. 'a motlh napbe'bej ghu'. tIgh Dochmey le' qelchugh ghItlh vaj chay' mugh? QeD ghItlh 'oHchugh vaj Dochmeyvetlh'e' vIDelnISchu' 'a lut 'oHchugh Dup Sar tu'lu'.
mu' nov vIlo'laH. «hijab tuQtaH be'» vIjatlhlaHchu'. nap patvam. tIgh Sovchugh laDwI' ghu' yajchu'. tIgh Sovbe'chugh laDwI' vaj yajchu'meH De' Hutlhbogh SuqnIS. mu' nov vIlo'chugh, nov Sut 'oH 'e' Sov Hoch laDwI'. pIj lutvaD nov Sut DelnISbe'laH laDwI', nov neH 'e' SovnIS. vaj yap. pIj laDwI' boQ lut «jIbDaj So'mo' hIjabDaj ...»
rurbogh Sung mu' pupbe' vIlo'laH. «La femme portait un voile» vIjatlhlaH. ghu' Sovchugh laDwI' hijab 'oH voilevetlh'e' 'e' ghovbej. ghu' Sobe'chugh Sutvetlh ngu'Ha' 'ej jIv not 'e' Sovbe' 'a qechHey ghaj. hijab 'oH chaq 'e' tlhojbe' hijab ghovlaHbogh laDwI' 'a vIpIHbe'. 'ach patvam vIlo'chugh nuqDaq vImev? rurchuqchu'chugh Dochmey, lI'be' pat. loQ rurchuqchugh chaq Qob. tlhochbogh qech yajlaH laDwI'. vaj rurqu'wI' ghajbe'chugh DoS Hol, to'wIj vIchoHnIS.
lutvaD potlhbe'chu'chugh Doch, Segh rap Doch vIwIvlaH pagh Doch pIm vIlo'laH. Qapbej. lutvaD potlhbe' tIgh vaj puHDaq yajbogh laDwI' vIQaylaH. chaq lutvaD ram be' Sut. chaq Suy Daq ghoS'eghrupmoH 'e' luSovnIS neH laDwI'pu'. vaj chaHvaD «wep tuQmoH be'» vIghItlhchugh yap. (be'vaD potlhbejtaH hIjab. chutmey, HoHmey je pIlmoHta' hijab. 'a lutvetlhvaD potlhbe'. lutvetlhvaD laDwI'vetlhvaD joq nIvlaH mIwvetlh. 'a ghaytan bImorgh. lut vImughqu'nIS. lut chu' vIqonbe'lI'. qonwI' wa'DIch qechmey vIchoHchugh, vImughbe': vImagh. jaS jIvanglaH'a'?
HIja'. Doch vIDelqu'laH. rut ghu' Duyajchu'moH wa' mu' 'ej lut Daq cher mu'vetlh. qechvetlh mu' Hutlhchugh DoS Hol vIDelnIS. mu'tlhegh ghom moj mu'. «lalDanDaj vuvmeH be', SaHtaHvIS loDpu' qIb So'taH. SaHchugh qorDu'Daj neH 'utbe', 'a qoDDaq tIghDaj lalDan je vuvnIS, hijab qat. jIb, Quch, mong je So'. rut qab So' je.» DaH yaj laDwI' 'a vIQIjmo' vuDmey vIchelpu'. Sar meqmey. Sar je hijabmey. chutmeyvam lob'a' lut be'? norSIqngan tuQwI'pu'vam rur'a'? chaq jaS ghu' Del be'vam be'Hompu'vam joq. mIghchugh lut be', vaj lalDan vuv 'e' vIQIjpu'. chaq lut tlhoch. lutvetlh'e' vImughchugh jaS vIDelnIS. hijab vImughDI' qonwI' qechmey vISIH. 'ej wa' mu' wIv qonwI' 'e' yIlIjQo'. chaq mu' puS lo'mo' HoSghaj qonwI'vetlh lutmey. mu'tlhegh mojchugh mu' chaq lut vIngaDHa'moH. jIQaplaHbe'.
reH maghwI' ghaH mughwI''e'. po'chugh mughwI' 'urmangDaj So'chu'.
mu' nov vIlo'laH. «hijab tuQtaH be'» vIjatlhlaHchu'. nap patvam. tIgh Sovchugh laDwI' ghu' yajchu'. tIgh Sovbe'chugh laDwI' vaj yajchu'meH De' Hutlhbogh SuqnIS. mu' nov vIlo'chugh, nov Sut 'oH 'e' Sov Hoch laDwI'. pIj lutvaD nov Sut DelnISbe'laH laDwI', nov neH 'e' SovnIS. vaj yap. pIj laDwI' boQ lut «jIbDaj So'mo' hIjabDaj ...»
rurbogh Sung mu' pupbe' vIlo'laH. «La femme portait un voile» vIjatlhlaH. ghu' Sovchugh laDwI' hijab 'oH voilevetlh'e' 'e' ghovbej. ghu' Sobe'chugh Sutvetlh ngu'Ha' 'ej jIv not 'e' Sovbe' 'a qechHey ghaj. hijab 'oH chaq 'e' tlhojbe' hijab ghovlaHbogh laDwI' 'a vIpIHbe'. 'ach patvam vIlo'chugh nuqDaq vImev? rurchuqchu'chugh Dochmey, lI'be' pat. loQ rurchuqchugh chaq Qob. tlhochbogh qech yajlaH laDwI'. vaj rurqu'wI' ghajbe'chugh DoS Hol, to'wIj vIchoHnIS.
lutvaD potlhbe'chu'chugh Doch, Segh rap Doch vIwIvlaH pagh Doch pIm vIlo'laH. Qapbej. lutvaD potlhbe' tIgh vaj puHDaq yajbogh laDwI' vIQaylaH. chaq lutvaD ram be' Sut. chaq Suy Daq ghoS'eghrupmoH 'e' luSovnIS neH laDwI'pu'. vaj chaHvaD «wep tuQmoH be'» vIghItlhchugh yap. (be'vaD potlhbejtaH hIjab. chutmey, HoHmey je pIlmoHta' hijab. 'a lutvetlhvaD potlhbe'. lutvetlhvaD laDwI'vetlhvaD joq nIvlaH mIwvetlh. 'a ghaytan bImorgh. lut vImughqu'nIS. lut chu' vIqonbe'lI'. qonwI' wa'DIch qechmey vIchoHchugh, vImughbe': vImagh. jaS jIvanglaH'a'?
HIja'. Doch vIDelqu'laH. rut ghu' Duyajchu'moH wa' mu' 'ej lut Daq cher mu'vetlh. qechvetlh mu' Hutlhchugh DoS Hol vIDelnIS. mu'tlhegh ghom moj mu'. «lalDanDaj vuvmeH be', SaHtaHvIS loDpu' qIb So'taH. SaHchugh qorDu'Daj neH 'utbe', 'a qoDDaq tIghDaj lalDan je vuvnIS, hijab qat. jIb, Quch, mong je So'. rut qab So' je.» DaH yaj laDwI' 'a vIQIjmo' vuDmey vIchelpu'. Sar meqmey. Sar je hijabmey. chutmeyvam lob'a' lut be'? norSIqngan tuQwI'pu'vam rur'a'? chaq jaS ghu' Del be'vam be'Hompu'vam joq. mIghchugh lut be', vaj lalDan vuv 'e' vIQIjpu'. chaq lut tlhoch. lutvetlh'e' vImughchugh jaS vIDelnIS. hijab vImughDI' qonwI' qechmey vISIH. 'ej wa' mu' wIv qonwI' 'e' yIlIjQo'. chaq mu' puS lo'mo' HoSghaj qonwI'vetlh lutmey. mu'tlhegh mojchugh mu' chaq lut vIngaDHa'moH. jIQaplaHbe'.
reH maghwI' ghaH mughwI''e'. po'chugh mughwI' 'urmangDaj So'chu'.
2004-03-08
mu'tlhegh wejDIch
qaStaHvIS wa'maH DIS, DIvI' HolvaD nger vIHar 'ach not vItob. ngerwIj vIDel.
jatlhchoHchugh DIvI' Hol jatlhwI', qechna'Daj jatlhpa', cha' qechmey lo'laHbe' jatlhnIS. cha' qechmey nopchugh jatlhwI' pIj yajbe' 'IjwI'.
Hello rurbogh mu' 'oH qech wa'DIch'e'
QoywI' rI'meH Hello jatlhlu' 'e' ghoHlaH vay' 'a yItu'. rI'meH motlh pong lo' jatlhwI' 'ej qImDI' QoywI' Hello jatlh. meqvamvaD mu' puS tu'lu': Hi, Hey, Yo, jaj poH qelbogh mu'mey pagh lo'laH vay'. rut mu' chu' 'oghlu' 'a SoQlaw' tetlh. mu' lo'be'bogh puqpoHlIj Dajatlhchugh pIj nIyajbe' 'IjwI'pu' 'ej ja'chuqmeH mu' teH Dalo'nIS. ngu'eghmeH mu' wa'DIch chu' 'oghlaw' nuvpu', 'a mu' Huj lulo'laHbe'.
jangnISbe' QoywI'. SIbI' janglaHpa' qech cha'DIch jatlhlaH jatlhwI'.
ghu' qelnIS qech cha'DIch. How are you 'oH motlhwI''e', 'a muD Dotlh qellaH, rurlaH. pabmeH 'IjwI', ngajbogh mu'tlhegh nap lo'nIS. jangpu'DI' 'IjwI', qech wejDIch qellaH jatlhwI'pu'. qech wejDIch 'oH qep ngoQ'e'.
Doch wejDIch DaHIv qaSpa' tay pIj mISchoH 'IjwI'.
yabwIjDaq ghunbe'lu'law'mo' tayvam, bong pIj ngerwIj vIDaj. yIDaj SoH. jIHvaD ngonglIj yIja'.
jatlhchoHchugh DIvI' Hol jatlhwI', qechna'Daj jatlhpa', cha' qechmey lo'laHbe' jatlhnIS. cha' qechmey nopchugh jatlhwI' pIj yajbe' 'IjwI'.
Hello rurbogh mu' 'oH qech wa'DIch'e'
QoywI' rI'meH Hello jatlhlu' 'e' ghoHlaH vay' 'a yItu'. rI'meH motlh pong lo' jatlhwI' 'ej qImDI' QoywI' Hello jatlh. meqvamvaD mu' puS tu'lu': Hi, Hey, Yo, jaj poH qelbogh mu'mey pagh lo'laH vay'. rut mu' chu' 'oghlu' 'a SoQlaw' tetlh. mu' lo'be'bogh puqpoHlIj Dajatlhchugh pIj nIyajbe' 'IjwI'pu' 'ej ja'chuqmeH mu' teH Dalo'nIS. ngu'eghmeH mu' wa'DIch chu' 'oghlaw' nuvpu', 'a mu' Huj lulo'laHbe'.
jangnISbe' QoywI'. SIbI' janglaHpa' qech cha'DIch jatlhlaH jatlhwI'.
ghu' qelnIS qech cha'DIch. How are you 'oH motlhwI''e', 'a muD Dotlh qellaH,
Doch wejDIch DaHIv qaSpa' tay pIj mISchoH 'IjwI'.
yabwIjDaq ghunbe'lu'law'mo' tayvam, bong pIj ngerwIj vIDaj. yIDaj SoH. jIHvaD ngonglIj yIja'.
2004-03-07
loSmaH cha'
lut tIvqu'chugh Hol jatlhwI'pu' Holchaj 'ay' moj lutvam. paq The Hitchhiker's Guide to the Galaxy (DIlbe'bogh raQpo'vaD qIb QIjlu'pu') lulaDlu'law' HochHom De'wI' lo'wI'pu', vaj De'wI' nughDaq noy Douglas Adams qechmey.
Qatqu'mo' wa' Douglas Adams qech, janglaH je Google: yIn 'u' Hoch je janglu'ta'. tlhaQ.
qID 'oHba' 'a loSmaH cha' tu' 'e' tIv nuvpu' law'. mI' loSmaH cha' Qulta' David Jones Ross Kent je. Daqmey Sar loSmaH cha' tu'pu' 'ej toghpu'. wanI' tu'pu'bogh chaH law' jen loSmaH cha' law' 'eS. HaSta much «Hov leng» qellu'chugh, Qatqu' loSmaH cha'DIch much. «yIH Seng» ponglu'. qaStaHvIS muchvetlh SermanyuQDaq yIHmey je'lI' mechwI' 'ej loSpev SuQmoH tlhIngan ghoqwI'.
DaHjaj De'wI' mIwmeyvam vItu'. qaSpa' DaHjaj not vIlegh. mumonqu'moH.
#include
#define SIX 1 + 5
#define NINE 8 + 1
int main()
{
printf( "The meaning of life: %d\n", SIX * NINE );
return( 0 );
}
tera' ghunmeH Hol Qat lo' mIwmeyvetlh. tlhIngan ghunmeH Hol Segh qel Brian Connors 'ej tlhInganpu'vaD var'aq 'ogh. loSmaH cha' lIngHa'laHchugh var'aq vISovbe'.
munobDI' qar. chaq Holvam pong ghov pagh chaq mu'mey lo'bogh URLmey qelmo' Hov leng ngu'. val.)
Qatqu'mo' wa' Douglas Adams qech, janglaH je Google: yIn 'u' Hoch je janglu'ta'. tlhaQ.
qID 'oHba' 'a loSmaH cha' tu' 'e' tIv nuvpu' law'. mI' loSmaH cha' Qulta' David Jones Ross Kent je. Daqmey Sar loSmaH cha' tu'pu' 'ej toghpu'. wanI' tu'pu'bogh chaH law' jen loSmaH cha' law' 'eS. HaSta much «Hov leng» qellu'chugh, Qatqu' loSmaH cha'DIch much. «yIH Seng» ponglu'. qaStaHvIS muchvetlh SermanyuQDaq yIHmey je'lI' mechwI' 'ej loSpev SuQmoH tlhIngan ghoqwI'.
DaHjaj De'wI' mIwmeyvam vItu'. qaSpa' DaHjaj not vIlegh. mumonqu'moH.
#include
#define SIX 1 + 5
#define NINE 8 + 1
int main()
{
printf( "The meaning of life: %d\n", SIX * NINE );
return( 0 );
}
tera' ghunmeH Hol Qat lo' mIwmeyvetlh. tlhIngan ghunmeH Hol Segh qel Brian Connors 'ej tlhInganpu'vaD var'aq 'ogh. loSmaH cha' lIngHa'laHchugh var'aq vISovbe'.
