<$BlogRSDUrl$>

2004-03-27

Pichismo: QoQ nov 

jIQultaHvIS, bong Pichismo Daq vItu'. motlh 'eSper'anto Hol lo' QoQ ghomvam, 'a rut latlh Holmey lo'. wa' tlhIngan Hol CD lulInglaw'. loQ pabHa' 'ej rut «» nop.

gho wa'DIchDaq       (tlhIngan Hol DajatlhIaH 'e' DaneH'a') vIlaD. ghItlhHa'lu' 'ej pabHa' mu'tlhegh (neH lo'chugh tlhIngan, 'e' lo'be') vaj mu'ghomvo', jatlhwI' tlhIbHa'vo' ghap mu'tlhegh nIHbe'. mu'tlhegh ghItlhlaw' jatlhlaHbe'wI', «I» lo'Ha'mo'. pa' muj «I» SIbI' 'e' ghov jatlhlaHwI' 'a pIj ghItlhHa' jatlhlaHbe'wI'. rurchuqmo' «I» «l»je, pIqaD ghItlhpa' SaHba' Qaghvam. rurchuqbe'mo' «I» «l» je pIqaD.

gho cha'DIchDaq   (tlhIngan QoQ) vIlaD. QoQ qatwI' 'oHlaw' Dochvam'e'.

'a Huj bommey     . . .   (qatlh pIm ramvam Hoch . . . rammey je) ghItlhlu'? mu'tlheghvetlh vIghov: lalDan tayvaD 'oH. bom 'oH'a' je?

bommey 'oHlaHbej:    (lotlhwI' bom wej)'e'. ghe'naQ    ('aqtu' mellota' je) vIghovba'.

'a bom 'oH'a' je   (mutlhegh vIyajchu'be)?

QoQvam Qoy'a' vay'?

QoQ ghom yu'lu'. vuDmey puS vImugh:

Trumhejm yu'wI'vaD jatlh Глеб (ghleb), ghom HoDHey:
Клингон -- это дурацкий и ёбнутый язык. Учить его -- это пустая трата времени.
vImugh: «tlhIngan Hol -- Dogh Hol 'ej motlhHa' jay'. Holvetlh HaDchugh vay' poH woDqu'chu'» [mu' ёбнутый vImughmeH roSI'ya' Hol mu'qaD mu'ghom vIlo'nIS. roSI'ya'Daq mu'qaD DaQujchugh potlhqu'law' mu'vam.]

'a reH Holmaj muSbe'law Глеб. tera' DIS cha' SanID yu'DI' «В Моём Супе Печенье В Форме Зверюшек» --paqHom pong vImughchugh «chatlhwIjDaq Ha'DIbaH mach rurbogh chabHommey» vIyaj 'ach cha'logh mu'mey yajlaH vay' 'e' vIpIHmo', yajlaw'ghachwIj vIvoqbe'--jang Глеб:
Клингон -- это язык инопланетян из сериала Звездный Путь, один из языков. Клингон сейчас стал большим коммерческим предприятием, есть видеокурсы, Библию сейчас переводят на клингон, "Гамлета" за двадцатку баков можно купить, но за пределами Америки об этом почти никто не знает. Наверняка кто-то поёт, и думаю, что 90% их в Америке. В mp3 я слышал какого-то дурацкого американца, поёт какую-то воинственную песню, причём в типичной русской алкогольной манере, без всякого музыкального сопровождения.

- Ты будешь петь на клингоне?

Обязательно. Я уже загорелся, не только на клингоне, инопланетян же много, и для всех инопланетян придуманы свои языки, информация есть, словом, готовые тексты какие-то. В принципе, все их телеги так или иначе соприкасаются с реалиями сериала, узкоспециальные термины, от этого хотелось бы избавиться, впихнуть в это реально земные проблемы.
DaH vImugh:
HaSta much Hov lengvo' 'oH tlhIngan Hol'e'. wa' Hol nov 'oH. DaH malja' tIn 'oH tlhIngan Hol'e' -- HaSta paQDI'norgh tu'lu', tlhIngan HolvaD lalDan paq mughlI', «Hamlet» je'laH cha'maH DeQmey, 'a 'amer'I'qa'Daq SoHbe'chugh, tlhoS Sov pagh. bombej 'op, 'ej 'amer'I'qa'Daq HutmaH vatlhvI' tu'lu'law'. mp3mo' SuvwI' bommey bomlI' 'amer'I'qa'ngan qoHHey vIQoy, QoQ qatbe'lu'taHvIS. motlhbogh roSI'ya'ngan chech rur.

- bIbommeH tlhIngan Hol Dalo' 'e' Danab'a'?

vIbombejqu'. muSeymoHqu'. tlhIngan Hol neH vIbuSbe': nov yuQ law' lutu'lu'. Hoch novpu'vaD Holmey 'oghlu'pu'. ghItlhmey, De' je wIghaj. DanuDbejchugh, much lut, mu'tay' le', qel Hoch chovnatlh, 'a ghu'vamvo' ghoSlu' neHlu', 'oHDaq tera' Sengna' ghoDlu'.
mu'tlhegh Qav DayajlaHbe'chugh bImobbe'. mu'tlheghmeyvetlh vImughHa'pu' 'e' vISov. mumISmoHmo' latlh roSI'ya' Hol jatlhbogh nuv vIghel 'ej muQaH 'a yajchu'be' je. Holvetlh DamughlaHneSchugh, HIQaH.

rInpa' QonoSHomvam wa' mu' vImuch vIneH. mu'tlheghmeyvetlh vImughtahvIS bong vItu':
соприкоснуться (лбами) - paw' (QuchDu'). maj.

2004-03-26

ba ba ba ba Barbara Ann 

DaHjaj mu'mey taghbogh ba vIqel. Dap 'oH lutvam'e'. yItIv.

yuQ bavtaH Duj. meHDaq ba' baHwI', balvo' baqghol thutlhtaHvIS. baHjan SeHlawDaq bargh tu'lu' 'ej barghvo' qurgh SoplI' baHwI'. baS baghneQ lo'. baHwI' bang ghaH chIjwI''e'. ba'choHDI' chIjwI', baghneQDaq qurgh lan baHwI' 'ej chIjwI'Daq bach.

baQa'! jatlh chIjwI'. batlhHa' bIvang. jIHDaq Dabach 'e' yIbaq!

baQwI'oy jatlh baHwI' (SaHbe' HoD vaj bang pong lo') baQwI'oy, SoHDaq jIbaH vIneHba'. chaq qajon 'ej qabagh ...

jatlh chIjwI', bachvetlh DabajnIS. batlh bIvangchugh chaq bIDo'.

'a Do'be' baHwI'. 'el HoD 'ej pe'vIl jatlh baqgholvetlh DatlhutlhtaH 'e' Dabaqbe'chugh, bIbachHa'ba'.

lutvam QIp law' HochHom lutmeyvam QIp puS, 'a DaH ba-mu'mey vISovba'.

2004-03-25

Shoecabbage qonwI' loSmoH P-borgh 

cha' wen tlhIngan Hol yejHaD rI' Teresa Dowlatshahi. nagh beQ tlhaQDajvaD DIvI' Hol mu'mey rurbogh tlhIngan Hol mu'mey nejtaH. roD tera' Holmey qub lo'. Shoecabbage ponglu'. jInmolvaD QultaH Teresa 'ej lunaD nuvpu'.

qaStaHvIS wa' Hogh tlhIngan Hol qel neH Teresa. wIboQ: mu'tlheghmey Dun chup ghunchu'wI'. vIghuHmoHmeH jIjatlh Dubot 'e' nIDlaH Paramount. tlhIngan Hol, tlhIngan qab joq Dalo'pa', nIchaw' SuvwI'chaj 'e' yI'ol.

ParamountvaD jabbI'ID lI' 'a jangbe'. vaj rI'qa'. jang Paramount «wej De'wI' pat'a'Daq SaHbogh 'aH wIngevrup.» borgh chaH Paramount'e' rut 'e' wIqID 'a borgh chaHbe'bej. choHtaH borgh'e'!

vumbej Teresa, 'a Saghchu'be' 'e' vIHar. muHaghmoH QulwI'Heyvam. Teresa jInmolvaD jeSmo' mIy: "Advisor and data-selector of cross-language homophones project, directed by Mrs. Teresa Dowlatshahi, University of California, U.S.A., 2001- (upon invitation)." jInmolvetlh potlh law' nagh beQ tlhaQ potlh puS 'e' HarlaH vay', 'a Dowlatshahi pong ghovDI' vay', Qu'Daj potlhqu'moHlaw'pu' loD 'e' tlhojmo' pIHqu'choH.

Teresa Qu' naD Language Hat 'a par latlh nuvpu'. tlhaQbe' 'e' bep. vuD ghaj Hoch net chaw'.

tlhaQqu'be' nagh beQmey 'a Daj. jInmolvaD majeSmo' jIHem 'a Qu' vISuqmeH 'oHmo' jImIybe'. :-

2004-03-24

  

   ,   .

     ?
   «chaq qaS»     « »

Dung pIqaDqoq Dalo'be'chugh, vaj «chaq qaS» DalaDmeH KLIpIqaD yIlo'. bIHagh 'e' vIlay'.

 , ,   .  ,    .

Cree Slavey je 

qanaDaDaq Holmeylaw' jatlhlu'. DIvI' Hol vIran'eSngan Hol joq jatlh HochHom 'ej latlh Sep Holmey jatlh nuv law'. naDev'e' chenpu' je Sung Hol law'. Qatqu'mo' DIvI' Hol SablI' qanaDa Sung Hol 'a Holmeychaj choqmeH vum quppu'.

tera' DIS wa' SanID Hutvatlh chorghmaH chorgh Fort Nelson vIDab. pa' Cree Slavey je jatlh Sungpu'. yoSvetlh Dab Sung law' 'ach Do'Ha' Holchaj choqpu' ngugh 'e' vISovbe'.

qanaDa Sep 'ev luDab Slavey jatlhwI' 'ej Fort Nelson tIng Dab Cree luatlhwI'pu'. Cree Segh law' tu'lu' 'ej yajchuqlaHbe'law' Hoch.

choHtaH Sung tIghmey. cham chu' lo'qu'. lutHom vIja':

wa' jaj Fort NelsonDaq Soj vIje'. DubwIjDaq Soj vIje'pu'bogh vIqenglI'. tuj jaj 'ej HeDaq jIyIttaHvIS HuDHom vItoS. He DopDaq Qam Sung be'Hom 'ej mubej. vIjuStaHvIS mujatlh «Where's your truck?» qo'DajDaq truck ghaj Hoch, 'ej yItchugh vay' QapHa' truck pagh nIHlu'. truck vIghajbe' tlhoS 'e' yajlaHbe' ghaH.

DaH tujtaHvIS jaj jIyIttaHvIS pIj lutvetlh vIqaw.

2004-03-23

qoSwIj Haiku 

bo logh Ho'mo' Miriam Jones, «chongqu'!» maq 'ej loS bommeyDaj ngo' 'agh. tlhIngan qechmey qeltaHvIS, bommey qonmeH DIvI' Hol lo'. bom tlheghmeyDaq wab ghommey Datoghchugh, tlhegh wa'DIchDaq vagh wab ghommey tu'lu', tlhegh cha'DIchDaq Soch wab ghommey tu'lu' 'ej tlhegh wejDIchDaq vagh wab ghommey tu'qa'lu'. patvetlh pablu'chugh, Haiku ('ayqu) ponglu'. roD Ha'DIbaH, tI, ngem qo' joq qel. nIpponya'Daq patvam 'oghlu'.

bommeyDajmo' loQ tuHlaw' Miriam Jones 'ach 'agh 'e' ngIlmo' jIbel.
The targs are mating,
I hear them rustling nearby
in the autumn leaves.
Miriam Jones bommey parHa'law' tlhIngan 'ej napmo' Qu', vImugh.
ngaghlI' targhmey Sum;
pumpu'bogh pormey QaDDaq
noghtaH 'e' vIQoy
HaikuvaD mu'mey puSmo' chennIS qo' naQ. Qapbej bom veb. muHaghmoH je.
Under mosquito netting
we lay, exhausted. My love,
don't eat the insects.
QaptaH je vImughpu'DI' 'e' vItul.
  :
  
, .
,  .
motlh tlhIngan Hol Ho'chugh vay', tej, ghunwI' joq ghaH. 'a Miriam Jones QonoS vIlaDchoHDI' DIvI' Hol ghojmoHwI' ghaH 'e' vItlhoj. vatlh DIS poH wa'maH chorghDIch ghItlhmey laDtaH. chamwI' ghaHbe'law'. chaq Hol ghojmeH Qu''e' yajmo' neH bo logh parHa'? qub ghu'. 'a pay' vIlegh. Heinlein laD. QeD lutmey tIv 'ej paQDI'norghDajvaD lo'. bomwI' qa' ghaj 'ej tej yab ghaj je.

chaq bIjatlh 'a qoS luqelbe'law'. bIlugh 'a DaHjaj qaSbej.

2004-03-22

yapbej — DaH latlh Hol DIqelchoH 

Yens jInmol vIqel wej 'e' vImevchu' 'a Dalbe'nIS bo logh: latlh Holmey vIqelnIS.

wa'Hu' Dunbogh QonoS chu' muSovmoH Language Hat. Romanika 'oH QonoS pong'e' 'ej qon Eddie. 'eSpanya'ngan Hol portughalngan Hol je qeltaH, 'ach 'eSpanya'ngan Hol SeHbe'bej 'eSpanya'nganpu'. Sepmey law'Daq jatlhlu'mo', Sar Seghmey 'ej Daj choHmey. DIvI' HolvaD, Sepmey Sar DaSuchchugh, choHqu' QIch wab. 'eSpanya'ngan HolvaD choHlaw' mu'mey'e'.

loQ 'eSpanya' Hol vIjatlh. vIghojtaHvIS «tlhIH» vImughmeH cha' mu'mey tu'lu'. jup tlhIHchugh vosotros vIjatlhnIS. jIDochHa'meH Ustedes vIjatlhnIS. choHlI' mu' vosotros 'ej mu' chu' lajbogh Sepmey poj Eddie.

jIHvaD Dajqu' Romanika vIlaDtaH 'e' vIHech.

wanI' muqawmoH Eddie poj. wa' jaj tenHa' raQpo'pu' 'e' vIboQ, «gracias» jatlh nuvpu' ghom. SIbI' jIjang «gracias a vosotros». jIjatlhpu'DI', jup tlhIH vIlo'pu' 'e' vItlhoj 'a nov QIch wabmeywIj ghov nuvpu' 'e' vIpIH. ghaytan vItIchbe' 'e' luyaj. rInDI' Qu'HomwIj muloS 'ej jatlh «'eSpanya'vo' SoH'a'?» nuqjatlh? SepchajDaq notlhmo' mu' vosotros, chaHvaD Dochbe'law'. chaHvaD DochHa'qu'. DIvI' Hol ngo' lalDan paq DalaDchugh thou rur. ben law' jupvaD mu'vetlh lo'lu' 'a notlhmo' lalDan paq neHDaq laDlu', vaj SeQlaw' mu' 'ej DochHa'qu'choHpu'.

yoychoHDI' mu' yajlu'ghach, jIHvaD Dajqu'. latlh jaj, latlh chovnatlhmey vI'ang.

[Qap'a' yajlu'ghach? DIch vIghajbe'.]

2004-03-21

yap'a' tlhIngan Hol? 

wejHu' muyu'choH QulwI'. DaHjaj vIjang 'e' vIDelqa'.

ghel Yens: Hoch yIn qechmey QumbejmeH tlhIngan Hol, yap'a' DaHjaj pab mu'tay je DISovbogh? bIjangDI' yIDel.

HISlaH, yap.

qech law' DelmeH tlhIngan Hol maja'chuqnIS 'ej jIjatlhqu'nIS, 'a Hoch ta'laH vay'. qech pi-bonding vIQIjmeH, chaq Hap QeD, HoS QeD je paQDI'norgh SoQ naQ vIjatlhnIS, 'a vIvanpu'DI' tlhIngan Holmo' Dayajchu'; tlhIngan Holmo' Dotlh DaSIchbogh, not DIvI' Hol mu' pi-bondingmo' DaSIch.

trainmey, carmey, yachtmey, venetian blindmey joq rurbogh tera' Dochmey le' luDelqu'lu' 'e' lupoQ , 'ach ta'laH vay'.

qIvDu' chorgh je jojDaq mu'tay' wIHutlhchu', 'a nga'chuq be' loD vIDellaHbej: be' 'uSDu' joj nuj yIQ 'el loD peng.

Hap nap pongmey wIHutlhbej 'a mI'mey DIghaj. mI'meymo' Hoch Hap Segh vIngu'llaH: Hap Segh wa'DIch 'oH bIQSIp'e'. DaH Hap Segh -DIch vIqel.

mI'qeD DelmeH laHmaj vuSbe' Sovmaj mach. machellaH, machelHa'laH, maboqlaH maboqHa'laH. qechmeyvetlh qellu'taHvIS Hoch DelnISlu': DuSaQDaq puqpu'vaD Hoch DelnISlu', qech yajDI' puq, qech chu' chel ghojmoHwI'. tlhIngan HolvaD mu'tay'na' vIHutlhmo' ghu' naQ vIDelmeH, 'ach vIDellaH. yIlaD:
wej Dop ghajbogh Doch beQ yIqel. wej tajvaj ghajba'. gho'Daq cha'maH vagh vatlhvI' 'oH wa' tajvaj'e'. tajvetlh Hotbogh DopDaq Qam Doch. vaj ravDaq Dop wa'DIch tu'lu'. chong Dop cha'DIch. ratlh Dop wejDIch. Dop wa'DIch, Dop wejDIch je jojDaq tajvaj tu'lu'. <Q> 'oH pongDaj'e'. (<Q> 'oHbe'ba', vIpong vIneH neH). Dopmey tIjuv. <a> 'ab Dop wejDIch. <b> 'ab Dop wa'DIch. <a>-logh boqHa''eghDI' <b> chen mI'. <Q>-vaD le' mI'vetlh. rapchugh tajvaj, raptaH mI'vetlh. mI'vetlhmo' <Q> DaSImlaH pagh a, b ghap DaSImlaH. HolvamvaD mI'vetlh pong vISovbe', 'ach potlh. Sov Hoch mI'tej.
mI'QeDvaD tlhIbHa'chugh vay', SIbI' mI' pong ghov.

napHa'chugh ja'chuqtaHghach, mu'mey ru' DachennISmoH. <mI'vetlh>, <Q>, <a>, <b> rur. rInDI' SoQ, taHtaHbe' mu'meyvetlh, 'a chaq jIjatlh wejHu' <Q> vIqeltaH 'e' Daqaw? <Q>-vetlh vIqelqa' vIneH. ghaytan mIwvetlhmo' ghovaD ru'Ha'choH pong π.

Hoch qech SeghmeyvaD mu'tay' le'qu' Hutlh tlhIngan Hol. vay' DaDelmeH tlhIngan Hol Dalo' DaneHchugh, vaj wa'meH ben boghpu'bogh puq valvaD DaDellaw'. Hol DaDellaHbej, 'ach Hoch'e' qIHbe'pu'bogh puq DaDelnIS bItaHlaHpa'. (QIpchugh pagh qImHa'chugh puqlI', jIHvaD qay'be').

juHDaq Dochmey puS DISov. vaj Hoq DevwI' tIQvaD tIDel. ngop Say'moHbogh mIqta', Soj bIrmoHwI'.

puS rItlh Delbogh mu'tay''e'. jaS leghlaw' tlhInganpu'. rItlh DelnISbejchugh vay' vaj Delchu' mI' 'abbogh yu'eghDaj. pItlh.

puS De'wI' mu'tay'. muvuSbe'. De'wI' mu'tay' Sovbe' loDnalwI' vav 'ach ghogh HablI' lo'taHvIS De'wI' SengmeyDaj DellaH 'ej vItI'laH.

latlh Human HolvaD «At twilight bioluminescent organisms sparkled on the ocean waves» vImugh vIneHchugh vaj mu' bioluminescent neH vISamnIS. (mu'tlhegh pab, mu'tay' nap je vISovba') 'ach tlhIngan HolvaD wanI' vIQulnIS, 'ej yaghmeyvetlhDaq qaSbogh yIn mIwmey vIDelnIS. «choS, bIQ'a' yu'eghmeyDaq wew yaghmey» jIjatlhlaH 'ach yapbe'. maSwovmo' wew yaghmey 'e' HarlaHvay'.

DIvI' Hol wIjatlhtaHvIS Qa', Krah, Kronos bear joq wIjatlhnIS, vaj tlhIngan Hol wIjatlhtaHvIS musk ox tera' mIl'oD joq DIqelchugh mangorbe'bej.

jIyuDha' vIneH, 'ej pujchugh tlhIngan Hol vIchId vIneH. qechvaD yapbe'bogh tlhIngan Hol Dangu'chugh vISov vIneH. HISlaHwIj choHlaH qechvetlh.

nuq ta'taH Humanpu'? bogh . . . ghoj . . . Sop . . . rop . . . nga'chuq . . . chenmoH . . . QeD . . . vor . . . mIqta' lo' . . . Qub . . .

jaS Qub 'e' Dellaw' tlhIngan Hol. tlhIngan Hol Dalo'chugh rapbe'law' Qub QeD.
Sapir-Whorf nger maq qechvam, 'ej DaHjaj Qatlaw'taHbe' Sapir-Whorf nger, 'a jaS DuQubmoHchugh Hol, veb nuq?

toH. QatlhwI' vIngu'ta'. tlhIngan Hol DajatlhtaHvIS, vay' wIyajchugh, tagha' qechmeyDaj wa'DIch mo' wIDellaH. 'ach DIvI' HolvaD law' wanI'mey DIyajbe'bogh DelmeH mu'tay''e'. «magic» wImughnISDI' qay'choH. much 'oHchugh vaj tojwI', tojtaHghach joq vIlo'. wIch, HarwI'pu' lutlhvaD «HoS wIyajbe'bogh» rurbogh mu'tlheghmey vIqonnIS. Dochna'mey neH qellaH tlhIngan Hol jIjatlhbe', 'a vay' wIyajchu'be' 'ej pong ghajchugh DIvI' Hol, ghaytan tlhIngan HolvaD nuqaD. lI'bej Har, lalDan, rurbogh mu'mey je, 'ej Niven vImughlaHlaw', 'ach pa' puj Hol.

tlhIngan Hol 'Itlh Dajatlhchugh, Duyu' neH Yens Wahlgren. HIrI' 'ej laHlIj yI'ang. ('ItlhwI'pu' neH neH jatlh).